貼低詞語，小朋友自己就默得。免安裝、免登入、可離線。
共 0 題 · 內容只留喺你部機，唔會上載。
似老師咁讀兩次，聽清楚啲。
默書時間係一個免費嘅網上默書工具。家長只要將今個星期嘅默書範圍貼落去，撳一下，個網頁就會用廣東話、普通話或者英文逐題讀出，讀完停低留時間俾小朋友寫，全部做完自動出對答案版。唔使裝 app、唔使開戶口、唔會收費。
做完之後，剔返錯咗嘅題目，撳「只默錯咗嗰啲」就可以即刻重默一次——真正練到嘅，其實就係嗰幾個字。
傳統默書練習要有大人喺旁邊讀，時間夾唔到就練唔成。呢個工具做返老師嘅角色：可以設定每題讀一至三次、讀完留幾多秒寫字，朗讀期間題目係遮住嘅，防止偷望。小朋友自己一部平板或者電話就練得。
完全免費，唔使登入，亦冇題數限制。默書內容只會留喺你部機嘅瀏覽器入面，唔會上載去任何伺服器。
朗讀用嘅係你部機系統內置嘅語音。iPhone / iPad 要喺「設定 → 輔助使用 → 朗讀內容 → 聲音」加入中文（香港）「Sinji」；Android 要喺 Google 文字轉語音服務入面下載粵語。裝好之後返嚟 reload 就會出現。
可以。用 Safari 或 Chrome 開，揀「加到主畫面」，之後冇網絡都開得。語音本身係系統提供，唔使上網。
唔讀到。iOS Safari 一鎖屏就會截停朗讀，呢個係系統限制。本工具已經喺播放時申請保持螢幕唔熄，但唔好手動撳熄部機。
暫時未得。呢個工具設計成零伺服器、完全喺瀏覽器行，所以未有拍照文字辨識。你可以由 WhatsApp 或者相簿 copy 文字貼落去，逗號、頓號、換行分隔都認得。
預設用英式英語（en-GB），同香港學校教嘅一致。如果部機有其他英文聲音，可以喺「語音」度自己揀。